NGORONGORO, SIMBA SC WAUNGANA KUITANGAZA TANZANIA DUNIANI KUPITIA UTALII NA MPIRA

 




ARUSHA – 

Na Gladness Kowero 

Mamlaka ya Hifadhi ya Eneo la Ngorongoro (NCAA) na Klabu ya Simba SC zimezindua ushirikiano wa kimkakati utakaotumia nguvu ya mpira wa miguu kuitangaza Tanzania kama kitovu cha utalii duniani kupitia kampeni maalumu ya "Simba Visit Ngorongoro – The Pride Returns Home."

Akizungumza wakati wa uzinduzi huo, Kamishna wa Uhifadhi wa NCAA, Abdul-Razaq Badru amesema ushirikiano huo unaunganisha sekta mbili zenye mchango mkubwa katika uchumi wa taifa, utalii na michezo, kwa lengo la kuongeza idadi ya watalii wa ndani na nje ya nchi.

Badru amesema Simba ni moja ya chapa kubwa zaidi katika soka la Afrika Mashariki na Kati, huku Ngorongoro ikiwa moja ya vivutio vinavyotambulika duniani kutokana na urithi wake wa kipekee na hadhi yake ya kimataifa.

Amesema kampeni ya "The Pride Returns Home" itakuwa sehemu ya maadhimisho ya miaka 90 ya Klabu ya Simba na itasaidia kuhamasisha Watanzania na wageni kutembelea Hifadhi ya Ngorongoro, huku mapato yatokanayo na utalii yakiendelea kuchangia shughuli za uhifadhi na maendeleo ya taifa.


Kwa upande wake, Ofisa Mtendaji Mkuu wa Simba SC, Zubeda Sakuru amesema klabu hiyo imeamua kusherehekea miaka 90 tangu kuanzishwa kwake mwaka 1936 kwa kurejea "nyumbani", akieleza kuwa nembo ya Simba imekuwa sehemu ya historia ya klabu hiyo tangu kuanzishwa kwake.

Amesema kupitia Wiki ya Simba kutakuwa na shughuli mbalimbali zitakazofanyika Ngorongoro ikiwemo uzinduzi wa matawi, programu za kijamii na uzinduzi wa jezi mpya ya klabu, huku akiwataka Wanasimba duniani kote kushiriki maadhimisho hayo.


Naye Mwenyekiti wa Bodi ya Simba SC, Crescentius Magori amesema ushirikiano huo utatoa fursa kubwa ya kuitangaza Ngorongoro kwa mamilioni ya mashabiki wa Simba wanaofuatilia klabu hiyo kupitia mitandao ya kijamii, akisisitiza kuwa hatua hiyo itanufaisha sekta ya utalii na uchumi wa nchi.

Kwa upande wake, Makamu Mwenyekiti wa Bodi ya NCAA, Dkt. Harrieth Mtae amesema ushirikiano huo unaendana na maono ya kuifanya Ngorongoro kuwa kivutio cha utalii cha kiwango cha kimataifa na kuchangia utekelezaji wa vipaumbele vya taifa vya kukuza utalii, uchumi na diplomasia ya kimkakati.



Amesema kampeni hiyo pia itakuwa sehemu ya maandalizi ya Tanzania kuelekea AFCON 2027, akibainisha kuwa michezo imeendelea kuwa chombo muhimu cha kuitangaza Tanzania, kuhamasisha uhifadhi na kuvutia watalii kutoka ndani na nje ya nchi.


Comments

Post a Comment

Popular posts from this blog

WATUMISHI NGORONGORO KUNUFAIKA NA MILIONI 500, WAONYWA MIKOPO KAUSHA DAMU.

Image
  NGORONGORO.  Halmashauri ya Wilaya ya Ngorongoro imetenga Sh milioni 500 kwa ajili ya watumishi wa umma, ikiwa ni sehemu ya mpango wa kuwainua kiuchumi watumishi wa kada zote. Akikabidhi mikopo hiyo, Mkurugenzi wa Halmashauri hiyo, Murtallah Sadick Mbilu, amesema lengo la mpango huo ni kuwasaidia watumishi kujikwamua na changamoto za kifedha na kuboresha maisha yao. Amesema mikopo hiyo pia inalenga kupunguza utegemezi wa mikopo isiyo rasmi yenye riba kubwa maarufu kama kausha damu. Mbilu amewataka watumishi kutumia mikopo hiyo kwa malengo yaliyokusudiwa ili iwe na tija kwao binafsi na katika utekelezaji wa majukumu yao ya kazi. Aidha, amesisitiza kuwa utoaji wa mikopo hiyo utafanyika kupitia mfumo rasmi wa watumishi ili kuhakikisha uwazi, usawa na kuepusha mgongano wa maslahi. Ameongeza kuwa utekelezaji mzuri wa mpango huo utachangia kuongeza ufanisi wa watumishi na kuboresha utoaji wa huduma kwa wananchi.
Read more

UGANDA ELECTION COMMISSION CONTINUES RECEIVING RESULTS AS MUSEVENI TAKES EARLY LEAD

Image
  By Gladness Kowero. 📍 KAMPALA, Uganda Uganda's Electoral Commission continues to receive results from various polling stations following Thursday's general election, with preliminary figures indicating that incumbent President Yoweri Museveni is leading. According to early results announced so far, Museveni has secured 76.25 percent of the votes counted, based on tallies from nearly half of the polling stations nationwide. Opposition candidate Robert Kyagulanyi, popularly known as Bobi Wine, is currently in second place with 19.85 percent, while the remaining votes are shared among six other candidates. Speaking to journalists after casting his vote on Thursday, President Museveni said he expected to win with 80 percent of the vote, “if there is no rigging.” Earlier, the Chairman of the Electoral Commission, Justice Simon Byabakama, said voting generally proceeded well across the country, despite some challenges. He acknowledged technical problems in certain areas, including...
Read more

WANANCHI WA NGORONGORO WAIBUA WASIWASI KUHUSU MAPENDEKEZO YA TUME.

Image
 Arusha Wananchi wa jamii ya Wamaasai wilayani Ngorongoro, hususan Tarafa ya Sale, wameeleza wasiwasi wao kuhusu mapendekezo ya tume mbili za Rais zilizowasilishwa hivi karibuni, wakihofia huenda zisitoe suluhisho la changamoto zinazowakabili. Kupitia tamko lao la Machi 20, 2026, wananchi hao wanasema baada ya kuchambua ripoti hizo, wamebaini kuwa hazijaakisi kwa kina uhalisia wa maisha yao wala kuzingatia maoni waliyowasilisha wakati wa ukusanyaji wa taarifa. Wanasema kwa muda mrefu wamekuwa wakiishi ndani ya mfumo wa ikolojia wa Ngorongoro na Serengeti kwa kutegemea ufugaji, wakiamini kuwa mfumo huo umewezesha kuendelea kwa uhifadhi wa mazingira kwa vizazi vingi. Hata hivyo, wananchi hao wameeleza kuwa bado wanakabiliwa na changamoto mbalimbali ikiwemo upatikanaji wa maeneo ya malisho, ukamataji wa mifugo pamoja na vikwazo katika upatikanaji wa huduma za msingi. Aidha, wameeleza kuwa mapendekezo yanayohusu kuendelea kwa uhamishaji wa wananchi kutoka katika maeneo yao yameibua hof...
Read more