WANANCHI NGORONGORO WATAKA MAJIBU YA HARAKA KUHUSU RIPOTI ZA TUME ZA RAIS.

 



WANANCHI NGORONGORO WATAKA MAJIBU YA HARAKA KUHUSU RIPOTI ZA TUME ZA RAIS.

ARUSHA

Wananchi wa jamii ya Wamaasai katika Wilaya ya Ngorongoro wameeleza wasiwasi wao juu ya kucheleweshwa kwa ripoti za tume mbili za Rais zilizoundwa mwezi Februari mwaka 2025 kuchunguza migogoro ya ardhi katika eneo hilo.

Kupitia taarifa kwa umma iliyotolewa Machi 5 mwaka huu, wananchi hao wamesema tume hizo zilipewa muda wa siku 90 kukamilisha kazi na kuwasilisha ripoti zake, ambapo zilitarajiwa kukamilika Mei 2025 lakini hadi sasa bado hazijatolewa.


Wananchi hao wanasema kucheleweshwa kwa ripoti hizo kumeibua hofu na taharuki miongoni mwao, huku wakisubiri kwa hamu majibu ya masuala waliyowasilisha mbele ya tume hizo ikiwemo changamoto za matumizi ya ardhi, huduma za kijamii pamoja na mpango wa serikali wa kuwahamisha wakazi kutoka Hifadhi ya Ngorongoro kwenda kijiji cha Msomera mkoani Tanga.
Aidha, wananchi hao wamedai kuwepo kwa vitendo vya kukamatwa kwa mifugo, kuvunjwa kwa nyumba na vikwazo vya upatikanaji wa maeneo ya malisho, wakihofia kuwa maoni yao yanaweza yasizingatiwe katika mapendekezo ya tume hizo.

Pia wameeleza kuwa uwekezaji unaoendelea wa hoteli katika eneo hilo bila ushirikishwaji wa jamii unachangia kuziba mapito ya wanyamapori na mifugo.


Kutokana na hali hiyo, wananchi wa Ngorongoro wameiomba serikali kusitisha mpango wowote wa kuhamisha wananchi kutoka eneo hilo na kurejesha ardhi iliyochukuliwa kwa ajili ya kuanzishwa kwa Pori la Akiba la Pololeti.


Aidha, wameisisitiza serikali kuhakikisha maamuzi yote yanayohusu ardhi yanafanyika kwa kushirikisha wananchi na kuheshimu haki zao za msingi kwa mujibu wa Katiba ya Jamhuri ya Muungano wa Tanzania pamoja na mikataba mbalimbali ya kimataifa ya haki za binadamu.


Mwisho. 





Comments

Post a Comment

Popular posts from this blog

WATUMISHI NGORONGORO KUNUFAIKA NA MILIONI 500, WAONYWA MIKOPO KAUSHA DAMU.

Image
  NGORONGORO.  Halmashauri ya Wilaya ya Ngorongoro imetenga Sh milioni 500 kwa ajili ya watumishi wa umma, ikiwa ni sehemu ya mpango wa kuwainua kiuchumi watumishi wa kada zote. Akikabidhi mikopo hiyo, Mkurugenzi wa Halmashauri hiyo, Murtallah Sadick Mbilu, amesema lengo la mpango huo ni kuwasaidia watumishi kujikwamua na changamoto za kifedha na kuboresha maisha yao. Amesema mikopo hiyo pia inalenga kupunguza utegemezi wa mikopo isiyo rasmi yenye riba kubwa maarufu kama kausha damu. Mbilu amewataka watumishi kutumia mikopo hiyo kwa malengo yaliyokusudiwa ili iwe na tija kwao binafsi na katika utekelezaji wa majukumu yao ya kazi. Aidha, amesisitiza kuwa utoaji wa mikopo hiyo utafanyika kupitia mfumo rasmi wa watumishi ili kuhakikisha uwazi, usawa na kuepusha mgongano wa maslahi. Ameongeza kuwa utekelezaji mzuri wa mpango huo utachangia kuongeza ufanisi wa watumishi na kuboresha utoaji wa huduma kwa wananchi.
Read more

UGANDA ELECTION COMMISSION CONTINUES RECEIVING RESULTS AS MUSEVENI TAKES EARLY LEAD

Image
  By Gladness Kowero. 📍 KAMPALA, Uganda Uganda's Electoral Commission continues to receive results from various polling stations following Thursday's general election, with preliminary figures indicating that incumbent President Yoweri Museveni is leading. According to early results announced so far, Museveni has secured 76.25 percent of the votes counted, based on tallies from nearly half of the polling stations nationwide. Opposition candidate Robert Kyagulanyi, popularly known as Bobi Wine, is currently in second place with 19.85 percent, while the remaining votes are shared among six other candidates. Speaking to journalists after casting his vote on Thursday, President Museveni said he expected to win with 80 percent of the vote, “if there is no rigging.” Earlier, the Chairman of the Electoral Commission, Justice Simon Byabakama, said voting generally proceeded well across the country, despite some challenges. He acknowledged technical problems in certain areas, including...
Read more

WANANCHI WA NGORONGORO WAIBUA WASIWASI KUHUSU MAPENDEKEZO YA TUME.

Image
 Arusha Wananchi wa jamii ya Wamaasai wilayani Ngorongoro, hususan Tarafa ya Sale, wameeleza wasiwasi wao kuhusu mapendekezo ya tume mbili za Rais zilizowasilishwa hivi karibuni, wakihofia huenda zisitoe suluhisho la changamoto zinazowakabili. Kupitia tamko lao la Machi 20, 2026, wananchi hao wanasema baada ya kuchambua ripoti hizo, wamebaini kuwa hazijaakisi kwa kina uhalisia wa maisha yao wala kuzingatia maoni waliyowasilisha wakati wa ukusanyaji wa taarifa. Wanasema kwa muda mrefu wamekuwa wakiishi ndani ya mfumo wa ikolojia wa Ngorongoro na Serengeti kwa kutegemea ufugaji, wakiamini kuwa mfumo huo umewezesha kuendelea kwa uhifadhi wa mazingira kwa vizazi vingi. Hata hivyo, wananchi hao wameeleza kuwa bado wanakabiliwa na changamoto mbalimbali ikiwemo upatikanaji wa maeneo ya malisho, ukamataji wa mifugo pamoja na vikwazo katika upatikanaji wa huduma za msingi. Aidha, wameeleza kuwa mapendekezo yanayohusu kuendelea kwa uhamishaji wa wananchi kutoka katika maeneo yao yameibua hof...
Read more